အခန်း(၉)မျိုးရိုးဗီဇရှိသော လူသားဘ၀ (The state of being a genetic human)
ယနေ့မျက်မှောက်ကမ္ဘာကြီးမှာ မှီတင်းနေထိုင်ကြတဲ့ လူမျိုးပေါင်း စုံမှာလည်း ကြိုနညယ့်လူမျိုးရဲ့ မျိုးရိုးဗီဇ (Gene) တွေကိုယ်စီပါရှိလာကြပါတယ်၊ လူတွေ တစ်ဦးနဲ့တစ်ဦး အသွင်မတူ စရိုက်ကွဲပြား ညဏ်ရည်တွေ ကွာခြားနေ ခြင်းဟာ ဂျင်း Gene နဲ့ဘယ်လိုသက်ဆိုင်နေသလဲ ဆိုတာကို မျိုးရိုးဗီဇပညာရှင်များက သိပ္ပံနည်းနဲ့လေ့လာ စူးစမ်းခဲ့ကြပါတယ်၊တိရိစ္ဆာန်တွေမှာလဲဧရာမနဲ့ ပိစိကွေးတွေဘာကြောင့်ကွဲပြားရသလဲ၊သစ်ပင်ပန်းပင်တွေမှာ ရော မျိုးစိတ်တွေခြားနားတဲ့ အကြောင်းတွေကို စူးစမ်းလေ့လာခဲ့ကြ ပါတယ်။
ကျွန်တော် အနေနဲ့တော့ သက်ရှိလောကကြီးထဲမှာ လူသားနဲ့ ဆိုင်တဲ့ မျိုးရိုးဗီဇတွေနဲ့ အသိညဏ် ဘယ်လိုပတ်သက်နိုင်သလဲ ဆိုတဲ့ အတွေးအမြင်ပိုင်း ကိုဆွေးနွေးချင်ပါတယ်။
ဂျင်းဟာသက်ရှိလောကရဲ့ သမိုင်းကြောင်းမှတ်တိုင် တွေသဖွယ် ဖြစ်တယ်လို့ ပညာရှင်တွေက မှတ်ချက် ပြုကြပါတယ်၊ သက်ရှိသတ္တ၀ါတွေ ဘယ်လို စတင်ဖြစ်ပေါ်ကြသလဲ ဆိုတာကိုလည်း စူးစမ်းလေ့လာခဲ့ကြပါတယ်၊ မျိုးရိုးဗီဇပညာဟာ တကယ်တော့ ၁၉၀၀ပြည့်နှစ်လောက်အထိ ဟိုမရောက်ဒီမရောက်နဲ့ သောင်တင်သင်္ဘောလို ဖြစ်နေတယ်လို့ ဆိုပါတယ်။
၁၉၅၀ ခုနှစ်မှာ ဇီဝသိပ္ပံ နိုဘယ်ဆုရှင် Jame Watson ကစတင်တွေ့ရှိဖေါ်ထုတ်နိုင်ခဲ့တဲ့DNA(Dioxyribose Nucleus Acid) အကြောင်းကို ဆက်လက်လေ့လာခဲ့ကြပါတယ်၊နောက်ပိုင်းမှာတော့ ဒီပညာရပ်ဟာ ခန္ဓာကိုယ် cell ဆဲလ်တွေထဲအထိ နက်နက်ရှိုင်းရှိုင်း လေ့လာနိုင်ခဲ့ကြပြီး ပညာရပ်နယ်ပယ် ကျယ်ပြန့်တိုးတက်လာကြပါတယ်၊ လူသားရဲ့ မျိုးရိုးဗီဇကို သိပ္ပံနည်းနဲ့ရှာဖွေ ကိုင်တွယ်နိုင်မယ်ဆိုရင် လူသား မျိုးနွယ်တစ်ရပ်လုံးကို အရည်အသွေး မြှင့်တင်ပေးနိုင်မယ်လို့တောင် မျှော်မှန်းခဲ့ကြတယ်။
၂၀ ရာစုခေတ်ထဲမှာလဲ မိသားစုတွေထဲမှာမျိုးရိုး လိုက်တဲ့အချက် ဘာတွေရှိနိုင်မလဲ(ဥပမာ-တရားသူကြီးမျိုးရိုး၊ ပါရမီရှင်မျိုးရိုး၊ အရပ်ပုမျိုးရိုး လက်ချောင်းတိုမျိုးရိုး) စသည်တွေကိုလေ့လာစူးစမ်းခဲ့ကြပါတယ်၊ဆွေမျိုးမိသားစုတွေထဲမှာဖြစ်တတ်တဲ့ ကိစ္စမျိုးတွေနဲ့ ဂျင်းဗီဇတွေဟာဘယ်လို ပတ်သက်နိုင် သလဲဆိုတာ အဖြေရှာကြခြင်းဖြစ်ပါတယ်၊ တဖန် အဘိုးတစ်ယောက်ရဲ့ မျိုးဆက် (Generation) သွေးသားထဲမှာ မြေး(သို့မဟုတ်) မြစ်တစ်ယောက်ဟာ သူ့အဘိုးနဲ့ရုပ်ချင်းတူတဲ့အပြင် ၀ါသနာ အကျင့်စရိုက်လည်း တူနေတတ်ပါတယ်၊ အဲဒီလိုတူတာကို(Atavism) လိုခေါ်ကြပါတယ်၊ အယူသီးတဲ့ တချို့ကတော့ အဘိုးပြန်ဝင်စားတဲ့ကလေးလို့ မှတ်ယူကြပါတယ်၊ ဆွေမျိုးမဟုတ်ဘဲ ရုပ်ချင်းတူနေတာမျိုးလည်းရှိတတ်ပြန်တော့ ဂျင်းဗီဇတွေရဲ့ ဆန်းကြယ်တဲ့ သဘောတရားကို ရှာဖွေခဲ့ကြတယ်၊ပုံမှန်က တော့အသားဖြူတရုပ်လူမျိုးက အသားမဲကုလာလေးမွေးနိုင်မှာ မဟုတ်ဘူး ပေါ့၊ဒါပေမဲ့ ဂျင်းဗီဇပညာရှင်တွေက သိုးမဲမိခင်ကြီးဝမ်းထဲမှ သိုးဖြူမလေး ဒေါ်လီကို ပုံတူclone မွေးစေခဲ့ပါတယ်၊မျက်မှေက်ခေတ်မှာတော့ လူသား ကိုပင် ပုံတူထုတ်လုပ်ပေးနိုင်လာပါတယ်၊ဒါကိုတော့ လူမှုရေးအရ အများစုက ကန့်ကွက်ကြတယ်လို့ဆိုပါတယ်။
မျိုးရိုးဗီဇပညာ ဖွံ့ဖြိုးတိုးတက်လာမှုနဲ့သက်သေထူနိုင်ခြင်းအားဖြင့် လူသားတွေရဲ့အတွေးအခေါ်တွေ တည့်မတ်မှန်ကန်အောင် အထောက် အကူပြုပေးနိုင်မယ်လို့ မျှော်လင့်ကြပါတယ်၊၂၀ ရာစုနောက်ပိုင်းမှာတော့ ညဏ်ရည်မြင့်မားစေတဲ့ ဂျင်းဗီဇတွေ ဖေါ်ထုတ်နိုင်မလား၊ လူသား တစ်ယောက်ကိုသန္ဓေသား ဘ၀မှာ မိန်းကလေးမလိုချင်ရင် ယောင်္ကျားလေး ဖြစ်အောင် ဂျင်းဗီဇပညာနဲ့ လုပ်ပေးနိုင်ပါ့မလား ဆိုပြီးစဉ်းစားကြံဆလာ ကြပါတယ်၊တကယ်တော့ လူသားတစ်ယောက်ကို ကြိုတင်ကန့်သတ်ပြဋ္ဌာန်းခြင်းငှာ မဖြစ်နိုင်ပါလို့ ဒဿနပညာရှင် တွေက ဆိုခဲ့ပါတယ်၊ဂျင်းဗီဇပညာနဲ့ လူရဲ့ကံကြမ္မာကို ကန့်သတ်ဖန်တီးပေးသင့်ပါသလားဆိုတာ စဉ်းစားဆင်ခြင် စရာအများကြီးလိုအပ်မယ် လို့ဆိုရမှာဖြစ်ပါတယ်၊သိပ္ပံပညာနဲ့ ဒဿနပညာကို အမီလိုက်နိုင်မယ်လို့ တစ်ချို့က ဆိုပါတယ်၊ လူတွေဟာ ကိုယ့်ကြမ္မာကို ကြိုသိနေတာမျိုး အနှေးနဲ့အမြန် ရင်ဆိုင်လာကြရမှာလို့တောင် ဆိုတယ်။
ကမ္ဘာ့လူဦးရေ သန်းပေါင်း(၆၀၀၀)ကျော်မှာ တစ်ဦးနဲ့တစ်ဦးDNA မတူကြတာကြောင့်(ပြစ်မှုတရားခံတွေကို လက်ဗွေစစ်ဆေးသလို) DNA စစ်ချက်ယူပြီး တရားခံဖေါ်ထုတ်နိုင်ခဲ့ကြပါတယ်၊တဖန် ကင်ဆာရောဂါ ဆဲလ်တွေကိုလည်း တားဆီး ပိတ်ဆို့ ရပ်တန့်ထားဖို့ လုံးပမ်းနိုင်ကြပါတယ်၊ မျိုးရိုးလိုက်တဲ့ ရောဂါပေါင်း တစ်သောင်း ခန့်ရှိတယ်လို့လည်း ဆိုပါတယ်၊ ဒီမျိုးရိုးဟာ ဒီပုတ်ထဲက ဒီပဲဘဲ ဆိုသလိုရောဂါလက္ခဏာပြတဲ့ ဂျင်းဗီဇတွေကို ဖေါ်ထုတ် သုတ်သင်ပစ်ဖို့ကြိုးစားကြတယ်၊တချို့ကလည်း လူဆိုးစရိုက် ဖြစ်စေနိုင်တဲ့ ဂျင်းဗီဇတွေများရှိနေမလားဆိုပြီး စူးစမ်းရှာဖွေကြခဲ့သေးတယ်၊
တကယ်တော့ ဇီဝဗေဒပညာနဲ့ရူပဗေဒပညာတွေ ဆက်စပ် သုံးသပ် သရုပ်ဖေါ်ကြည့်ပေမဲ့ လူသားရဲ့စိတ်ပိုင်း ဆိုင်ရာ အရည်အသွေးကို တော့ခန့်မှန်းရခက်သလို ကိုင်တွယ်နိုင်ဖို့ဆိုတာလည်း လွယ်မယ်မထင်ပါဘူး၊ ဒါကြောင့် ပညာရှင်တချို့က ဂျင်းတွေအကြောင်းများများသိလေ ပိုမိုရှုပ်ထွေးလေဖြစ်ပြီး လူသားအပေါ်မှာ အဖြေရှာဖို့ ဝေးလေလေပဲတဲ့၊နီးရက်နဲ့ဝေး နေတာမျိုးပေါ့ ကိုယ်တိုင်လည်း လူဖြစ်ပြီး ငါဘယ်သူပါလိမ့် ဖြစ်နေတတ်တယ်လို့ နောက်ပြောင်စရာတောင်ဖြစ်နေတယ်၊ကိုယ့်ကိုကိုယ် ဖျက်ဆီးခံရ မယ့် မျိးရိုးဂျင်းတွေ ဘယ်မျိုးဆက်လောက်က ခုန်ကျော်ဝင်လာနိုင်မလဲ ဆိုတာ မသိနိုင်ကြလို့ဘဲတဲ့၊ဒါပေမဲ့ ဆေးလောကမှာတော့ မျိုးရိုးဗီဇပညာဟာ လူလားမြောက်တဲ့ အစိတ်အပိုင်း တစ်ခုအနေနဲ့ အသုံးဝင်ဖို့ အလားအလာ ကောင်းတွေရှိနေတယ်လို့ ဆိုပါတယ်၊ ဥပမာ-ခန္ဓာကိုယ်ရဲ့အစိတ်အပိုင်းတွေ ကျောက်ကပ်၊အသဲ စသည်တို့မှာ ပျက်စီးသွားတဲ့အစိတ်အပိုင်းကို Transplant မလုပ်ဘဲ ဂျင်းဗီဇပညာနဲ့ ပြန်လည်တိုးပွါးစေနိုင်တယ်လို့ဆိုတယ်၊လွန်ခဲ့တဲ့ ဆယ်စုနှစ်လောက်က လူသား တစ်ယောက်ဖြစ်ဖို့ လိုအပ်တဲ့ အလုပ်လုပ်နိုင်စွမ်းရှိသော ဂျင်းဗီဇ(၆၀၀၀၀)လောက်ကို DNA အက္ခရာစဉ် တွေရှာဖွေဖေါ်ထုတ် ရေးဆွဲနိုင်ခဲ့ကြတယ်၊ကျန်တဲ့ အလုပ်မလုပ်နိုင်စွမ်း DNAတွေကိုလည်း အက္ခရာစဉ်ဖို့ ကြိုးစားနေဆဲလို့သိရပါတယ်။
ဒီတော့ ကျွန်တော်တို့ ဘယ်နေ့သေမလဲ၊ဘယ်လိုရောဂါတွေခံစား ရနိုင်သလဲ၊ဒီထက်ဆင့်ကဲပြီး ဘယ်လိုအမှားတွေ လုပ်မိနိုင်မလဲ ဆိုတာတွေကိုတောင် ခန့်မှန်းရနိုင်ကောင်းရဲ့၊ဒီလို မသိအပ်တာမျိုးတွေကို ကြိုပြီး သိပ်သိနေပြန်ရင်လည်း အန္တရယ်တော့ အကြီးသားပဲ၊ဒါပေမဲ့ ကင်ဆာရောဂါ ဘယ်နေ့ဖြစ်လာမလဲ သိလို့ကြိုရှင်းထား နိုင်တာမျိုးကတော့ ကောင်းသပေါ့၊ တဖန် သီးနှံတွေကိုလည်း လူသားအတွက်စားသုံးဖို့ အန္တရယ်မဖြစ်စေဘဲ ပေါင်းသတ်ဆေးတွေဖျန်းထားနိုင်မယ်၊သို့မဟုတ် ဂျင်းဗီဇတွေပြုပြင် မွမ်းမံတဲ့ စားစရာ Genetically modified food တွေထုတ်လုပ်ပေးနိုင်မယ် ဆိုတာမျိုး ကျတော့ ကျေးဇူးတင်ထိုက်တယ်၊ဒါ့အပြင် တိရိစ္ဆန်တွေရဲ့ နို့ရည် ထဲမှာ အဖိုးတန် လူအကျိုးပြုဆေးဝါးတွေ ထုတ်ပေးစေတဲ့Pharming နည်း ပညာဆိုတာကလည်း မဆိုးလှဘူးထင်တယ်၊ တစ်ချို့ကတော့ သဘာဝမဟုတ်တဲ့ အဲဒီ G M foodတွေကိုမစားရဲကြဘူးတဲ့၊သဘာဝ ဂေဟစံနစ်ကြီး ပျက်စီးစေ နိုင်တာမျိုးကတော့ မကောင်းဘူးပေါ့၊ ဂျင်းဗီဇပညာနဲ့လုပ်နိုင်စွမ်းတွေ အများကြီးရှိလာပေမယ့် ငါးတွေကို လေထဲမှာပျံအောင်ဆိုတာ မျိုးက လိုအပ်လို့လားလို့ မေးစရာ ဖြစ်နေတာပေါ့။
မျိုးရိုးဗီဇ ပါမောက္ခ Steve Jone (လန်ဒန် ယူနီဗာစတီ)က ဂျင်း တို့၏ ဘာသာစကားဆိုတဲ့ စာအုပ်ကို ၁၉၉၃ ခုနှစ်က ရေးသားခဲ့တယ်၊အဲဒီ စာအုပ်မှာ မျိုးရိုးဗီဇပညာနဲ့ ဆက်နွယ်နေတဲ့ လူရဲ့ ကိုယ်ကျင့်တရားဆိုင်ရာ ဆုံးဖြတ်ချက်တွေ ချကြရမှာဖြစ်လို့ ဒီပညာရပ်ကို လစ်လျူမရှုသင့်သလို လွှတ်ပေးထားရန်လည်းမသင့်ဟုထင်၏ လို့မှတ်ချက်ပြုခဲ့ပါတယ်။
ကျွန်တော်တို့ သက်ရှိလူသားအပေါ် စက်ရုပ်သဖွယ် ရုပ်ဝါဒ အမြင်မျိုးနဲ့ကြည့်ပြီး လုပ်မယ်ဆိုရင် အန္တရယ်တွေအများကြီး ရှိနိုင်တယ်လို့ ထင်ပါတယ်၊တဖန် နာမ်ဝါဒ စိတ်ဝါဒသက်သက်နဲ့ချည်း ခရီးဆက်နေမယ်ဆိုရင်လည်း လူ့အရည်အသွေး မပြည့်ဝစေနိုင်တဲ့ သဘောရောက်နေမှာဖြစ် ပါတယ်။ဒါကြောင့် လူသားရဲ့အပြုအမူကို ဗီဇတစ်ခုတည်းက ညွှန်ကြားစေ ခိုင်းနိုင်တယ်လို့ မှတ်ယူရင် လွန်ရာကျနေမလား၊ဖြစ်ရပ်တစ်ခုဟာ မျိုးရိုးဗီဇ ကြောင့် ဒီလိုဖြစ်ရတာပါလို့ အဖြေထုတ်ပေးနိုင်တာကိုတော့ ကြိုဆိုကြ ပါတယ်၊ဒါပေမဲ့ လူသားကို ကန့်သတ်ပြဋ္ဌာန်းဖို့ ပညာရပ်တစ်ခုအနေနဲ့ဖြစ် ပေါ်လာမယ်ဆိုတာတော့ အလှမ်းဝေးလွန်းလှတယ်လို့ မြင်ပါတယ်။
ဒါကြောင့် ဂျင်းဗီဇပညာတစ်ခုတည်းနဲ့ လူသားရဲ့အသိညဏ်ကို မြှင့်ဖို့ အတွေး အခေါ်ကို လျော်ကန်သင့်မြတ် စေဖို့ဆိုတာ လုံလောက်မယ် မထင်ပါဘူး၊ အခြားသော ပညာရပ်နယ်ပယ်အသီးသီးနဲ့ ခန္ဓာကိုယ်မှာရှိတဲ့ ဦးနှောက်ပိုင်း စိတ်ပိုင်း စသည့် အချက်ပေါင်း များစွာ အခြေခံထားမှုမျိုးသာ ဖြစ်တယ်လို့ ဆိုချင်ပါတယ်။
ကမ္ဘာ့လူသားအားလုံးဟာ မျိုးရိုးဗီဇ ဂျင်းတွေသယ်ဆောင်လာကြ သူတွေချည်းဖြစ်တယ်၊ဒါကြောင့် ကျွန်တော်တို့ ကိုယ့်မျိုးရိုးရဲ့ ဂျင်း ဗီဇတွေကို သမိုင်းပေးတာဝန်အဖြစ်နဲ့ ခံယူထမ်းဆောင်ရင်း မိမိအသက်ရှင် ရပ်တည် နိုင်ရေး၊မိမိ အသိညဏ်ပညာ မြင့်မားရေးတို့ကို စွမ်းနိုင်သမျှ ကြိုးစားရပ်တည် သွားဖို့လိုပါတယ်၊ ရှေးခေတ်အဆက် ဆက် က ဗီဇပညာရှင်တွေနဲ့ ယခု ခေတ်သစ် ဇီဝသိပ္ပံပညာရှင် စိတ်နှင့် ဦးနှောက် နာဗ်ကြောသိပ္ပံ(Neuro science) ပညာရှင်များရဲ့ကျေးဇူးနဲ့ တနေ့နေ့မှာတော့ လူသားတွေရဲ့ အရည်အသွေးကို မြှင့်တင် နိုင်ကောင်းပါရဲ့လို့ မျှော်လင့်ပါတယ်၊ကျွန်တော်တို့ လည်း ကိုယ်ပိုင်မွေးရာပါ ဂျင်းဗီဇကောင်းတွေကို မပျက်မစီးအောင် ထိန်းသိမ်း စောင့်ရှောက်လျက် အသိညဏ် အရည်အသွေးတွေ တိုးတက် မြင့်မားအောင် ကြိုးစားနိုင်ကြပါစေလို့ ဆန္ဒပြုရင်း နိဂုံးချုပ်အပ်ပါတယ်။
ကျွန်တော့်ရဲ့ ဒိုင်ယာရီနဲ့အတွေးအခေါ်ကို ဖတ်ရှုပေးလို့ ကျေးဇူးတင်ပါတယ် ၊အကြံပြုချက်များကို ဖိတ်ခေါ်အပ်ပါတယ်။ ဆက်လက်ကြိုးစားပါဦးမည်။Thank all readers and I'll try to continue next chapters.There are many interested thinking in
Human being, such as conscience and brain, live and death,feeling and sense,behavior and social status etc..
welcome your opinion and suggestion or even criticize and any question. With best wishes and best regards.
မောင်ပညာ http:\\mgpyinnyar.friendster.blogs.com
Email : winpyin@gmail.com VZO; winhmue@vzochat.com
http:\\mgpyinnyar.blogspot.com Tele; 95-01-505721
No comments:
Post a Comment